Un convenio de colaboración vai permitir que a Catedral de Santiago poida desenvolver diferentes actividades culturais encamiñadas a realzar a celebración do próximo Ano Santo Compostelán. Esta axuda da Axencia de Turismo de Galicia permitirá dar maior relevancia á natureza espiritual do xubileo, tendo como eixe central a Catedral, que durante 2021 lucirá recén restaurada. Neste sentido, a colaboración da Axencia de Turismo de Galicia fará posible, entre outras actuacións, a composición de diversas pezas musicais destinadas ao acompañamento das principais cerimonias litúrxicas, tales como a apertura e peche da Porta Santa ou a festividade do Apóstolo Santiago do 25 de xullo.