Esta mañá asinouse un convenio de colaboración entre a Fundación Catedral de Santiago e Turismo de Galicia co obxectivo de habilitar os recursos necesarios para organizar o control de accesos e fluxos de visitantes tanto na catedral como na Oficina do Peregrino. O director de Turismo de Galicia, Xosé Merelles, asinou co director da Fundación Catedral de Santiago, Daniel Lorenzo, este convenio, que pretende axudar a establecer un modelo turístico sustentable, ordenado e ben planificado en colaboración con todas as institucións.