A igrexa de San Martiño Pinario acolle este martes 15 de setembro, ás 20:00 h, un concerto a cargo do recoñecido coro do Queen’s College, da Universidade de Oxford, en Inglaterra, dirixido por Owen Rees. A entrada é gratuita, previa retirada de invitacións na web de venta de entradas do Museo Catedral ou no despacho de billetes do Museo Diocesano.
O concerto, que forma parte da xira que está a realizar a formación por Galicia e Portugal, estará formado por varios composicións centradas no culto á Virxe María, principalmente dos séculos XVI e XVII, xunto con outras máis contemporáneas. Ese mismo día, o coro participará na Misa do Peregrino das 12:00 h na catedral.
O Coro do Queen’s College de Oxford conta cunha rica tradición musical e é amplamente recoñecido como un dos mellores coros universitarios do país. Está composto por arredor de trinta cantantes, entre eles «choral scholars» (estudantes do propio College que gozan de bolsas de estudos corais), «choral exhibitioners», doutros centros da Universidade e «lay clerks», cantantes profesionais.
PROGRAMA
Missa de Beata Virgine. Duarte Lobo (1565–1646)
Salve Regina. Diogo Dias Melgás (1638–1700)
Stabat Mater. António Carreira (c.1520–97)
Magnificat secundi toni. Manuel Cardoso (1566–1650)
A Hymn to the Trinity. Kenneth Leighton (1929–88)
Beati quorum via. Charles Villiers Stanford (1852–1924)
Nunc dimittis. Gustav Holst (1874–1934)
Ave Maria. Rebecca Clarke (1886–1979)
A Hymn to the Virgin. Benjamin Britten (1913–76)
Hymn to the Creator of Light. John Rutter (1945)