Con motivo do Ano Santo Compostelán, un numeroso grupo de peregrinos de Special Olympics Galicia completou a súa particular peregrinación ata a Catedral de Santiago.

Tras camiñar varios tramos dos Camiños de Inverno, Camiño Norte, Camiño Primitivo, Camiño Francés,  Camiño Portugués, Camiño Inglés e Vía da Plata, este domingo 3 de xullo, chegaron ata a tumba do Apóstolo Santiago e puideron asistir á celebración eucarística especial que tivo lugar na praza da Quintana, presidida por Monseñor Julián Barrio, Arcebispo de Santiago de Compostela, a quen acompañaron na concelebración o resto de bispos de Galicia.